La Plataforma per la Lenga trabalha pr'amor que las administracions reconescan plenament la lenga catalana, l'empleguen, la promòguen e, subretot, garantiscan los dreits lingüistics dels ciutadans dins los domenis public e privat. Òm sap e assumís que la lenga catalana patís encara una situacion discriminatòria dins lo mitan de la justícia, precària quitament en cèrtes contèxtes. L'usatge del català dins aqueste mitan demesís cada an. Dins aqueste mitan trobam las vulneracions lingüisticas mai grèvas, donc es l'administracion meteissa la que non acomplís pas la normativa. Trobam tanben una evolucion decreissenta de l'usatge del catalan dins los documents notarials e mercantils e dins los registres de la propietat. Lo catalan, dins aqueste domeni -judicial e de l'administracion publica de l'Estat en Catalonha-, se tròba en una situacion dificila e que requerís de mesuras d'urgència e constantas, e de politicas de discriminacion positiva vèrs la lenga catalana.
L'objectiu estrategic fondamental d'aqueste domeni d'actuacion es de trabahar per agrandir la preséncia de la lenga catalana dins lo mitan judicial, mai que mai dins los espacis de relacion amb las personas que sián usatgièras e consummatoras d'aqueste servici, e tanben amb los professionals d'aqueste entorn (d'avocats, de notaris, de jutges, de foncionaris...). Tanben, evitar las situacions de conflicte lingüistic, d'indefension juridica e de discriminacion pr'amor de l'emplec del catalan.
Atendre los planhs e consultas dels ciutadans a rapòrt de la siá relacion amb l'administracion de justícia. Sosténer aicestes ciutadans, los informar de lors dreits e conselhar sus la manièra cossí pòdon orientar lor accion per ne melhorar l'estat. Sosténer especificament los cases de discriminacions lingüisticas grèvas a las administracions, mai que mai davant la vulneracion dels dreits reconeguts dins la Lei.
Atencion e conselh sus las consultas e los planhs dins lo mitan de la justícia que los usatgièrs remetan, amb d'exemples d'actuacion davant de situacions de conflicte e discriminacion. Recampar aqueles cases dins un rapòrt per lo trametre a las administracions correspondentas.
Dreits linguistics
Objectiu: Informar, a travèrs dels canals de comunicacion de la Plataforma per la Lenga, dels dreits lingüistics qu'aparan los ciutadans per poder emplegar la nòstra lenga dins lo domeni judicial, e far de suggestions en cas que aquestes dreits sián incomplits.
