La Plataforma per la Lenga trabalha per que las administracions reconescan plenament la lenga catalana, l'empleguen, la promòguen e, subretot, garantiscan los dreits linguistics dels ciutadans dins los domenis public e privat, tanben dins las institucions europèas.
Dins l'Union Europèa i a pas cap d'autra lenga que siá aitant parlada coma lo catalan que non siá lenga oficiala d'aquel estament. Los ciutadans de lenga catalana an pas encara obtengut, despuèi mai de 30 ans de demandas reiteradas, çò que se reconeis a la rèsta d'europèus amb lengas de dimensions parièras. La Plataforma per la Lenga considèra qu'es una situacion denigranta e vexatòria sens cap de precedent a Euròpa; tot per la volontat exprèssa dels govèrns espanhòls successius de PP e PSOE.
Objectiu: Avançar sus la reconeissença legala del catalan dins lo futur Estat catalan, dins l'Estat espanhòl e dins l'Union Europèa.
Seguida de la CELRoM
Objectiu: Velhar per que l'Estat espanhòl complisca los acòrds signats e ratificats de la Carta Europèa de las Lengas Regionalas o Minoritàrias e que l'Union Europèa acomplisca los acòrds relacionats amb la lenga catalana.
Reconeissença del catalan dins d'autres organismes internacionals
Objectiu: Aquesir mai de projeccion internacionala pel catalan, tanben a travèrs d'autres organismes internacionals coma las Nacions Unidas o lo Conselh d'Euròpa.
Projeccion internacionala de l'ONG del catalan
Objectiu: Melhorar la situacion de la lenga catalana dins lo domeni internacional a travèrs de l'establiment de contactes e de collaboracions amb d'autras ONG, institucions e govèrns.
Conscienciacion lingüistica
Objectiu: Sensibilizar los ciutadans sus la manca de reconeissença legala e politica del catalan dins lo domeni internacional.
