La Plataforma per la Lenga trabalha de manièra globala per aténher la normalizacion definitiva del catalan. O fa a travèrs de campanhas e d'accions que s'estructuran dins los domenis d'actuacion seguents:
L'objectiu principal d'aqueste domeni d'actuacion es de far de la lenga catalana l'ais de vertebracion e lo punt d'encontre de la diversitat sociala, etnica e culturala de la nòstra societat, que permeta de contribuir a l'enrasigament e a la coesion sociala.
Lo domeni d'actuacion de Cultura, léser e joventut a coma objectiu principal de trabalhar per la normalizacion del catalan dins los sectors cultural e audiovisual, del jòc e del léser, e del mitan juvenil.
La Plataforma per la Lenga vòl trabalhar a partir de la societat civila e en collaboracion amb l'administracion per bastir un bon diagnostic de la situacion lingüistica e contribuir al dessenh d'accions a fin de garantir la preséncia del catalan dins totes los entorns educatius.
Amb aqueste domeni d'actuacion, la Plataforma per la Lenga s'engatja per afavorir que las administracions publicas reconescan plenament la lenga catalana, l'empleguen, la promòguen e, sustot, garantiscan los dreits lingüistics dels ciutadans dins los domenis public e privat.
Entrepresa e consum es un domeni d'actuacion que s'endralha cap a la normalizacion linguistica dins l'entorn socioeconomic, e d'una faiçon especiala per çò qu'es de l'imatge extèrn de las entrepresas e dels servicis qu'ofrisson als usatgièrs e consummators.
La Plataforma per la Lenga trabalha per afavorir que las administracions internacionalas reconescan plenament la lenga catalana, l'empleguen, la promòguen e, sustot, garantiscan los dreits lingüistics dels ciutadans dins los domenis public e privat.
L'objectiu estrategic fondamental d'aqueste domeni d'actuacion es de trabalhar per agrandir la preséncia de la lenga catalana dins l'entorn judicial, mai que mai dins los espacis de relacion amb las personas usatgièras e consummatoras d'aqueste servici, e tanben amb los professionals d'aqueste entorn (d'avocats, de notaris, de jutges, de foncionaris...).