Educacion e universitats

La Plataforma per la Lenga vòl trabalhar a partir de la societat civila e en collaboracion amb l'administracion per contribuir al bastiment d'actuacions que garantiscan la preséncia del catalan dins totes los entorns educatius, domenis que consideram vitals per consolidar l'aprendissatge e l'usatge del catalan entre los joves.

L'associacion trabalha a fin que lo catalan, lenga comuna, siá la lenga veïculara de l'ensenhament a totes los nivèls. Volèm que la lenga catalana siá l'expression normala de las activitats administrativas e de relacion -aitant intèrnas coma extèrnas- de totes los centres.

Un autre dels nòstres objectius es de trabalhar pr'amor que lo catalan siá un requeriment lingüistic, que siá respectat a las universitats, per poder exercir la docéncia als Païses Catalans. En lo cas del País Valencian, trabalham amb l'objectiu que las linhas e las classas en catalan sián respectadas dins totes los domenis de l'ensenhament.

Dralhas de trabalh:

L'escòla, en catalan

Objectiu: Assolidar lo catalan e garantir que siá la lenga veïculara dins l'educacion primària e segondària, dins l'educacion informala e non-formala, e dins l'ensenhament universitari. Aparar lo modèl immersiu de l'escòla catalana, balhar d'elements de debat e de proposicions a l'ensems de la comunitat educativa e de las familhas. Promòure d'aisinas de promocion de l'usatge social del catalan dins lo domeni de l'educacion primària e segondària.

Lo catalan e l'entorn universitari

Objectiu: Trabalhar per assolidar o afortir la preséncia del catalan coma lenga de la docéncia a las universitats catalanas. Sosténer lo desvolopament e l'aplicacion del punt 6.4 de la LUC, que prevei que lo professorat contractat per las universitats catalanas conesca e justifique lor coneissença de lenga catalana per exercir la docéncia. Trabalhar per far conéisser los dreits e devers de l'ensems de la comunitat universitària en matèria lingüistica.