Dreits linguistics e administracions publicas

La Plataforma per la Lenga trabalha pr'amor que las administracions reconescan plenament la lenga catalana, l'empleguen, la fomenten e, subretot, garantiscan los dreits linguistics dels ciutadans dins los domenis public e privat. Dins aqueste sens, l'organizacion s'engatja per revisar las normativas e las legislacions actualas pr'amor que reconescan plenament los dreits linguistics del ciutadan per çò qu'es del catalan, e s'acompliscan. L'objectiu final d'aqueste domeni d'actuacion es que lo catalan venga lenga oficiala d'estat, amb la meteissa consideracion qu'an las autras lengas europèas de dimensions parièras. S'òm pòt aténher aquesta consideracion sonque sus una part del territòri, nos engatjarem tanben per treballar a fin que i aja una reconeissença clara sus tot lo domeni linguistic.

Dralhas de trabalh

Atencion de planhs e consultas

Objectiu: Atendre los planhs e consultas dels ciutadans rapòrt a la siá relacion amb las administracions publicas. Sosténer aicestes ciutadas, los informar de los lors dreits e los conselhar sus la manièra cossí pòdon orientar lor accion per ne melhorar l'estat. Sosténer especificament los cases de discriminacions linguisticas grèvas a las administracions, subretot davant la vulneracion dels dreits reconeguts dins la Lei.

Reconeissença oficiala

Objectiu: Aténher la reconeissença estatala plena de la lenga catalana dins los divèrses estats ont se parla. Aténher que los dreits dels locutors de catalan sián los qu'an los locutors d'autras lengas europèas d'espandi parièr dins los domenis lingüistics correspondents. Denonciar la discriminacion sus la reconeissença dins lo domeni estatal. Desvolopar de proposicions de modèls lingüistics per un futur Estat catalan independent.

Administracions publicas

Objectiu: Trabalhar pr'amor que las administracions localas, comarcalas e autonomicas entamenen las actuacions necessàrias per normalizar plenament l'usatge de la lenga catalana. Sensibilizar los ciutadans sus la manca de reconeissença legala e politica del catalan. Explicar los cases grèus de discriminacions linguisticas debanats a las administracions entre la ciutadania e los organismes publics e internacionals.

Dreits linguistics

Objectiu: Revisar, denonciar e trabalhar per que sián derogadas las disposicions actualas que non permeton l'usatge de la lenga catalana o que lo restrenhon. Prepausar de modificacions de la legislacion que garantiscan la normalizacion plena de la lenga catalana e asseguren los dreits linguistics dels ciutadans e l'usatge del catalan de las entrepresas. Far la seguida dels atacs politics e legals contra la lenga catalana o d'impausicion lingüistica d'autras lengas que empachan o dificultan l'exercici dels dreits linguistics e la capacitat de viure plenament en catalan.

Toponimia

Objectiu: Normalizar los noms d'endreit qu'an una nauta preséncia visuala dins lo nòstre país, e los qu'emplegan de versions reviradas en d'autras lengas (subretot l'espanhòl, lo francés e l'italian), en lòc d'emplegar la toponimia pròpria en lenga catalana.