Cultura, léser e joventut

Lo domeni d'actuacion de Cultura, léser e joventut a coma objectiu principal de trabalhar per la normalizacion del catalan dins los mitans cultural e audiovisual, del jòc e del léser, e dins lo sector juvenil. Ensajam de produsier d'idèas e de dinamicas que permetan d'afortir l'usatge del catalan, especialament dins aqueles espacis ont l'ofèrta i siá mai redusida, e tanben entre la populacion juvenila que ne siá mens sensibilizada. Velham, en mai, perque l'administracion e los poders publics desvolopen e/o prengan mesuras d'usatge de la lenga catalana dins los domenis de la cultura e l'audiovisual, e per çò qu'es de l'etiquetatge dels jòcs e dels joguets, segon los estandards pròpris de las comunitats lingüisticas que son comparablas a la nòstra (Quebèc, Letònia, Belgica, Finlàndia, etc.).

Dralhas de trabalh:

Cultura e audiovisual

Objectiu: Agir per la propagacion de la lenga catalana dins lo mond cultural e audiovisual, e fòrt especialament dins lo cinèma doblat, sostitolat o en version originala en catalan. Agir tanben per un escambi abitual e generalizat de las creacions culturalas entre los diferents territòris de parla catalana e per la reciprocitat totala dels mèdias audiovisuals en catalan.

Jòc e léser

Objectiu: Trabalhar pr'amor que lo catalan siá present dins aqueles espacis qu'ofrisson una situacion avantatjosa per l'aprendissatge de la lenga -per çò que s'aquerís d'un biais natural e espontanèu-. Se mainar pels jòcs e los joguets, subretot per la question de l'etiquetatge, las instruccions o los contenguts meteisses (compreses los vidèojòcs).

Joventut

Objectiu: Trobar de formulas que sián agradivas e que transmetan un imatge fresc e ludic de la lenga per influir a l'adopcion del catalan coma lenga d'usatge abitual per aqueste sector de la populacion. Concrètament, se centrar suls espacis d'òci nocturn e tanben sus la promocion del volontariat lingüistic. Trabalhar tanben en espacis esportius, ont lo sector juvenil es present de manièra importanta.